वित्त मंत्री निर्मला सीतारमण बुधवार ने नई दिल्ली मांय नाबालिग टाबर- टाबरियां सारू एनपीएस योजना वात्सल्य री सरूआत कीनी। ईं कार्यक्रम ऊं जयपुर समेत देश रा 75 शहरां ऊं बैंकां रा अहलकार, कर्मचारी अर इण रो फायदो लेवण वाळा वर्चुअल तरीका ऊं जुड़्या। जयपुर मांय राख्यी ज्या कार्यक्रम मांय राज्य स्तर री बैंकर्स समिति रा संयोजक हर्षद कुमार सोलंकी, राष्ट्रीय कृषि अर ग्रामीण विकास बैंक- नाबार्ड रा उप महाप्रबंधक विद्वान भगत, भारतीय रिज़र्व बैंक रा सहायक महाप्रबंधक मनीष मंडल ईं योजना ऊं जुड़बा वाळा 26 बच्चां ने स्थायी सेवानिवृत्ति खाता संख्या रा कार्ड दीना। ईं मौके सोलंकी बतायो के ईं योजना मांय मायत बच्चां रा नाम ऊं सालाना कम ती कम एक हजार रूप्या रो निवेश कर सके है।ध्यानजोग है के ईं योजना ने पेंशन फंड विनियामक अर विकास प्राधिकरण (पीएफआरडीए) चलावेला।