वित्त अर कॉर्पोरेट मंत्री निर्मला सीतारमण कह्यो है के कर देवण वाळां री सहूलियत सारू जीएसटी ऊं जुड़्या दफ्तरां मांय और सुबीता मुहैया कराया जा रह्या है। वे शुक्रवार ने उदयपुर मांय नुवो बणायी ज्यो जी.एस.टी. भवन जनता ने सूंपण रे मौके बोल रही ही। वित्त मंत्री कह्यो के अहलकारां अर कर देवण वाळां बीचे सकारात्मक माहौल व्हेवण परां समस्यावां आसानी ऊं हल करी जा सके है। वित्त मंत्री कह्यो के सीमेंट, टायर अर खाद उद्योगां सागे खनिज हलका रो जीएसटी मांय मोटो योगदान है अर अब नान्हा उद्योग ई विकसित व्हे रह्या है। वे कह्यो के अब मोबाइल एप आवण ऊं दिसावर मांय माल मांय बेचण अर वठे ऊं खरीदी करण मांय मदद मिली है। नुवो जीएसटी भवन बणावण माथे करीब 32 करोड़ रूप्या रो खर्च आयो है। कार्यक्रम मांय उदयपुर रा सांसद डॉ. मन्नालाल रावत ई सिरकत कीनी। वे उदयपुर मांय महाराणा प्रताप ने केंद्र मांय राख र पर्यटन हब बणावण अर खनिज हलका सारू वित्तमंत्री ऊं मदद देवण री अरज कीनी। इण ऊं पैली वित्त मंत्री सीथारमण शुक्रवार ने संवारे नाथद्वारा मांय श्रीनाथ जी मिंदर रा दर्शन कीना।