विकसित भारत-रोजगार और आजीविका मिशन (ग्रामीण) विधेयक 2025 मंगलवार ने लोकसभा मांय पेश करी ज्यो। ईं बिल मांय हर साल सवा सौ दिन तांई काम-धंधो दिरावण रो प्रावधान करी ज्यो है। केंद्रीय कृषि मंत्री शिवराज सिंह चौहान ओ बिल पेश कीनो। ईं मौके वे कह्यो के प्रधानमंत्री नरेन्द्र मोदी री अगुवाई मांय गरीबां रा भला सारू केई योजनावां लागू करीजी है। ओ बिल बीस साल जूना महात्मा गांधी राष्ट्रीय ग्रामीण रोजगार गारंटी कानून, 2005-मनरेगा री ठौड़ लेवेला। ईं रो मकसद साल 2047 तांई विकसित भारत बणावण री सोच रे मुजब गांवां रो पूरो विकास करणो है। ईं सारू बिल मांय मजूरां ने बत्ता दिन तांई काम मुहैया करावण री गारंटी, बेहतर मजूरी अर हिफाज़त देवण रो प्रावधान करी ज्यो है। मनरेगा रा तैत फिलहाल एक माली साल मांय 100 दिन रा काम री गारंटी दी जावे है। कांग्रेस, डीएमके अर टीएमसी समेत विपख री केई पार्टियां ईं बिल री खिलाफत कीनी।