लोकसभा अध्यक्ष ओम बिरला सोमवार ने कोटा ज़िला रा पीपलदा हलका मांय विकास रा न्यारा-न्यारा कामां री नीव रखी अर पूरा व्ह्या काम जनता ने सूंप्या। वे बड़ोद अर ढीबरी बीचे कालीसिंध नदी माथे बणायी ज्या एक हाई लेवल पुल रो उद्घाटन कीनो। ईं मौके श्री बिरला कह्यो के आवता अढाई साल मांय हलका रा हर गांव मांय नवनेरा बंधा ऊं पीवण रो साफ पाणी पूगा दियो जावेला। पुल माथे आवण-जावण सरू व्हेवण ऊं बरसात रा दिनां मांय ई राजस्थान अर मध्यप्रदेश बीचे सम्पर्क बण्यो रहवेला। ओ पुल बणावण रा काम माथे करीब 90 करोड़ रूप्या रो खर्चो आयो है।