लोकसभा अध्यक्ष ओम बिरला राजस्थान री भाजपा सरकार ने किसान हितैषी बतायो है। वे कह्या के राज्य सरकार काश्तकारां रा कल्याण खातर लगातार काम कर री है। श्री बिरला आज कोटा रा दशहरा मैदान मांय राख्या एक जळसा ने सम्बोधित कर रह्या हा। वे कह्या के काश्तकारां रा हालात बदळबा सूं ई देश रो सही मायनां मांय विकास व्हेला। श्री बिरला काश्तकारां सूं कृषि उत्पादन बढाबा अर नवाचार करबा ने कह्या। कार्यक्रम ने सम्बोधित करता थकां मुख्यमंत्री भजन लाल शर्मा कह्या के राज्य सरकार समाज रा आखिरी छोर रा लोगां रो जीवन बेहतर करबा खातर प्रतिबद्ध है। वण कह्या के इण बदलाव सूं प्रदेश री तरक्की व्हेला।