लोकसभा अध्यक्ष ओम बिरला नौजवान पीढी ऊं संविधान रा खास विचार जाणबा अर भारत ने विकसित देश बणावण रा काम मांय भागीदारी करण सारू कह्यो है। वे मंगलवार ने जयपुर मांय एक गैर सरकारी विश्वविद्यालय मांय संविधान दिवस रा बारा मांय राख्यी ज्या कार्यक्रम मांय बोल रह्या हा। श्री बिड़ला कह्यो के संविधान री जाणकारी अर समझ ऊं देश रा प्रजातंत्र अर वां रा नियमां सारू मान बधे है। लोकसभा अध्यक्ष कह्यो के भारत मांय सगळां री बात सुण र समझबा री रीत रही है। श्री बिड़ला नौजवानां ऊं संविधान बणावण री बगत व्ही न्यारी-न्यारी बहस री जाणकारी लेवण बाबत कह्यो। लोकसभा अध्यक्ष कह्यो के केई विकसित देशां रा विकास मांय भारत रा नौजवानां रो मोटो काम है।