लोकसभा अध्यक्ष ओम बिरला गुरूवार ने वां रा संसदीय हलका कोटा-बून्दी रा चार दिन रा दौरा सारू पधार्या। श्री बिरला बांके बिहारी मंदिर ऊं निकळी फाग संकीर्तन परिक्रमा मांय सिरकत कीनी। तलवंडी ऊं सरू व्ही ईं परिक्रमा मांय ऊर्जा मंत्री हीरालाल नागर, शिक्षा मंत्री मदन दिलावर अर विधायक समेत केई हस्तियां सिरकत कीनी। श्री बिरला रो सिंज्यां री पोर बाबा खाटू श्याम री भजन संध्या अर एक प्रतिभा सम्मान समारोह मांय सिरकत करण रो कार्यक्रम है। वां रो काल कैथूनीपोल रा वां रा रहवास माथे जनता सागे होळी मनावण अर एक शपथ ग्रहण समारोह मांय सिरकत करण रो कार्यक्रम है।