लोकसभा अध्यक्ष ओम बिरला कह्या है के देश, विकसित भारत बणणे री ओर तेजी सूं बध रह्यो है। सवाईमाधोपुर मांय आज सूं दो दिवसीय अमरूद महोत्सव अर कृषि तकनीक मेळे री सरूआत व्ही। श्री बिरला कह्यो की केन्द्र सरकार किसानां री भलाई रे खातिर काम कर री है। वठिने काश्तकारां री आय मांय भी लगोतार बढोतरी हो री है। लोकसभा अध्यक्ष ओम बिरला प्रदर्शनी स्थल माथे लगी स्टॉल्स रो जायजो कर काश्तकारां सूं बणतल भी करी। कृषि मंत्री डॉ. किरोडी लाल मीणा खबरनवीसां सूं बणतल करता थकां कह्यो की मेळे रे चालता कृषि अर उद्यानिकी री नुवी तकनीकां अर प्रसंस्करण संबंधी केई आयोजन व्हेला। वणा बत्ती ऊँ बत्ती काश्तकारां सूं सहभागिता री अरज करी। कृषि मंत्री कह्यो के ज़िले मांय अमरूद री बड़े पैमाने माथे खेती होवे है। ऐडा में अठे 150 करोड रिप्यां री लागत सूं अमरूद प्रोसेसिंग यूनिट लगाई जावेली। महोत्सव मांय भेळा होवण वाळा मलारना डूंगर रा भूखा गांव रा काश्तकार प्रोसेसिंग यूनिट लगाये जावण रे फैसले माथे खुशी जताता थकां कह्यो के इण सूं अमरूद उत्पादक काश्तकारां ने फायदो व्हेला।