लोकसभा अध्यक्ष ओम बिरला कया के पीठासीन अधिकारी सम्मेलन सूं देश री लोकतांत्रिक संस्थावां मजबूत बणेला। श्री बिरला सोमवार ने पटना मांय अखिल भारतीय पीठासीन अधिकारी सम्मेलन रो उद्घाटन कर्या। एआईपीओसी रा 85वां सत्र ने संबोधित करता थकां वे विधायी निकायां री मान-मर्यादा बणाया राखबा री बात कही। वे प्रतिभागियां सूं संवैधानिक मूल्यां रे मुजब लोगां री उम्मीदां माथे खरो उतरबा ने कया। दो दिन रा ईं सम्मेलन मांय देशभर री न्यारी-न्यारी विधायी निकायां, लोकसभा अर राज्यसभा रा पीठासीन अहलकार शिरकत कर रह्या है। सम्मेलन मांय भाग लेबा गया विधानसभा अध्यक्ष वासुदेव देवनानी री तबियत बिगड़बा रे पाछे वां ने पटना रा आई.जी.आई.एम.एस. सफाखाना ले जायो गयो। मुख्यमंत्री भजनलाल शर्मा हालात री जाणकारी लेता ही जयपुर रा एसएमएस सफाखाना रा हृदय रोग जाणकारां री टीम ने पटना खातर रवाना करया। मुख्यमंत्री श्री देवनानी रे बेगी ठीक होबा री कामना करी।