लोकसभा अध्यक्ष ओम बिरला सोमवार ने कोटा जिला रा सांगोद मांय पंडित दीनदयाल उपाध्याय अंत्योदय संबल पखवाड़ा रा तैत लगायी ज्या शिविर ऊं सांगोद विधानसभा हलका मांय सुपोषित मां अभियान रो उद्घाटन कीनो। अभियान रा तैत सांगोद विधानसभा हलका री आस वाळी करीब डोढ़ हजार लुगाइयां ने पोषण किट बांट्या जावेला। लोकसभा अध्यक्ष री पहल पाछे ऊर्जा मंत्री हीरालाल नागर ई वां रा विधानसभा हलका सांगोद मांय ओ अभियान चलायो है। ईं मौके श्री बिरला कह्यो के समाज रा आखिरी छोर रा लोगां री जिन्दगी मांय बदलाव लावण सारू ही सम्बल पखवाड़ो चलायो जा रह्यो है। कार्यक्रम मांय मख्यमंत्री भजन लाल शर्मा ई मौजूद रह्या। ईं दौरान 92 करोड़ रुप्या रा खर्चा वाळा विकास रा कामां री सरूआत कीनी अर पूरा व्ह्या काम जनता ने सूंप्या।