रोड़वेज रा बेड़ा मांय दीतवार ने 128 नई ब्लू लाइन बसां भेळी व्ही। ‘आपणी बस-राजस्थान रोडवेज’ नाम सूं सरू करी गई इण बसां ने मुख्यमंत्री भजनलाल शर्मा जयपुर री अमर जवान ज्योति सूं हरी झंडी दिखा र रवाना कर्या। नई बसां प्रदेश रा दूर-दराज रा हलकां अर गांवा तांणी आमजन ने बेहतर परिवहन सेवा मुहैया करावेला। इण मौके मुख्यमंत्री रोडवेज री वोल्वो, स्केनिया अर एसी बसां मांय यात्रियां ने सीट माथे खाबा-पीबा री चीजां मुहैया कराबा री सुविधा री सरूआत करी है। नई बसां प्रदेशभर रा 23 डिपो ने आवंटित करी गई है। इण सेवा सूं राज्य रा 25 गांवाई रास्ता माथे 169 ग्राम पंचायतां तांणी सीधी रोडवेज बसां री पहुंच व्हेला।