राष्ट्रीय परीक्षा एजेंसी-एनटीए मेडिकल कॉलेजां मांय दाखिला सारू लीरीजी नीट यूजी 2025 परीक्षा रा नतीजा रो ऐलाण कर दीनो है। नतीजा रे मुजब हनुमानगढ़ ज़िला मांय नोहर रा डबली राठान गांव रा रेहवासी महेश केसवानी पूरा देश मांय अव्वल रह्या। ओ इम्तिहान पहली बार देवण वाळा महेश 720 मांय ऊं 686 नम्बर हासिल कीना। 4 मई ने लीरीजी नीट-यूजी परीक्षा मांय 22 लाख ऊं बत्ता विद्यार्थी शामिल व्ह्या हा। प्री-डीएलएड 2025 परीक्षा रा नतीजा रो ई ऐलाण कर दियो ज्यो है। शिक्षामंत्री मदन दिलावर थावर ने कोटा ऊं नतीजो जारी कीनो। वर्धमान महावीर खुला विश्वविद्यालय री ओर ऊं एक जून ने आ परीक्षा लीरीजी ही।