राष्ट्रीय जल पुरस्कारां रा तैत राजस्थान ने चार ईनाम दिया ज्या है। सीकर रा बजरंग लाल जैठू ने पाणी रा हलका मांय बेहतरीन काम करण वाळा रो पहलो ईनाम दियो ज्यो। श्री जेठू साल 1993 ऊं पाणी बचावण अर प्रबंधन रा हलका मांय लगातार काम कर रह्या है। श्रीगंगानगर जिला रा खरलां जल उपभोक्ता संगम ने सब ऊं चोखा जल उपयोगकर्ता संघ श्रेणी मांय तीजो ईनाम दियो ज्यो। ईं संघ रा काम ऊं जनता मांय पाणी रा महत्त्व रा बारा मांय जागरुकता आई है। बिरला प्रौद्योगिकी अर विज्ञान संस्थान, पिलानी स्कूल अर कॉलेज सागे सब ऊं चोखा संस्थान री इनसाइड कैंपस उपश्रेणी मांय दूजो अर अंबुजा फाउण्डेशन, जयपुर सर्वश्रेष्ठ नागरिक समाज श्रेणी मांय ईनाम जीत्या। मुख्यमंत्री भजनलाल शर्मा जीतण वाळां ने बधाई देता थकां कह्यो के पाणी बचावण अर भेळो करण रा हलका मांय राज्य री नुवी ओळखाण बण रही है।