राष्ट्रपति द्रौपदी मुर्मू कह्यो है के जनजातीय समुदाय भारतीय संस्कृति रो अटूट हिस्सो है अर जनजातीय रिवाज़ विकास ने कुदरत सागे जोड़े है। वे शुक्रवार ने नई दिल्ली मांय आदि कर्मयोगी अभियान रा बारा मांय राख्यी ज्या राष्ट्रीय सम्मेलन मांय बोल रही ही। राष्ट्रपति कह्यो के आज़ादी पाछे सरकार आदिवासी समुदाय माथे ध्यान नी दीनो, पण अब ईं हलका मांय सरकार चोखी कोशिशां कर रही है। श्रीमती मुर्मू कह्यो के देश रा विकास मांय जनजाति समुदाय री भागीदारी ऊं देश और आगे बधेला। सम्मेलन मांय राष्ट्रपति आदि कर्मयोगी अभियान ऊं जुड्या चोखा काम करण वाळां रो मान कीनो। आं मांय भीलवाडा रा जिला कलेक्टर जसमीत सिंह संधु ई शामिल है। सम्मेलन रे दौरान, शिक्षा अर कौशल विकास, स्वास्थ्य अर पोषण, आजीविका अर उद्यमिता, बुनियादी ढांचा अर शासन अर संस्थागत सुदृढ़ीकरण समेत न्यारा-न्यारा हलकां रा बारा मांय विचार कर्यो जा रह्यो है।