राष्ट्रपति द्रौपदी मुर्मू उपराष्ट्रपति जगदीप धनखड़ रो इस्तीफो मंजूर कर लीनो है। राज्यसभा मांय प्रश्नकाल पाछे पीठासीन अधिकारी घनश्याम तिवाड़ी उपराष्ट्रपति जगदीप धनखड़ रा इस्तीफा ऊं जुड़ी गृह मंत्रालय री अधिसूचना रा बारा मांय जाणकारी दीनी। ईं पाछे राज्यसभा रा उपसभापति हरिवंश राष्ट्रपति मुर्मू सागे मुलाकात कीनी। प्रधानमंत्री नरेन्द्र मोदी श्री धनखड़ रा बेहतर स्वास्थ्य री कामना कीनी है। सोशल मीडिया पोस्ट रे ज़रिए श्री मोदी ने कह्यो के श्री धनखड़ ने उपराष्ट्रपति समेत केई भूमिकावां मांय देश री सेवा करण रो मौको मिल्यो। ध्यानजोग है के श्री धनखड़ स्वास्थ्य ऊं जुड़्यां कारणां रो हवालो देता थकां सोमवार ने इस्तीफो दे दीनो हो।