राष्ट्रगीत ’वंदे मातरम्’ रा डोढ़ सौ साल पूरा व्हेवण रा सिलसिला मांय थावर ने ई प्रदेश रा केई ज़िलां मांय देशभक्ति रा कार्यक्रम राख्यी ज्या।सवाईमाधोपुर, पाली, राजसमंद अर डीग ज़िलां मांय ज़िला कलेक्टर अर जनता रा नुमाइंदां री मौजूदगी मांय मोटरसाइकिल रैलियां अर ’एकता मार्च’ निकाळी ज्या। राजसमंद मांय आज़ादी री लड़ाई मांय भाग लेवण वाळा 33 रणबांकुरां रा पिरवार वाळां रो मान करी ज्यो। झुंझुनूं मांय जनजागरूकता शृंखला रा तैत बी.डी.के. अस्पताल मांय खून दान शिविर लगायी ज्यो। ईं मौके ज़िला कलेक्टर डॉ. अरुण गर्ग खून दान ने सब ऊं मोटो दान बतायो। बांसवाड़ा मांय मंत्री बाबूलाल खराड़ी मोटरसाइकिलां री प्रभात फेरी ने हरी झंडी बता र रवाना कीनो। ईं मौके वे कह्यो के वंदे मातरम् गीत देश रा हर रहवासी सारु नाज़ करण वाळो गीत है।