पंचायती राज मंत्री मदन दिलावर कह्यो है के राज्य सरकार साल 2029 तांई 20 हज़ार गांवां मांय 5 लाख जल संरचनावां बणावणो तैय करी ज्यो है अर 11 हज़ार 200 करोड़ रुप्या रा निवेश ऊं ज़मीं हेटे पाणी रो लेवल ऊंचो लावण सागे कूड़ा-बावड़ियां ने ओजू काम लायक बणाया जावेला। वे सोमवार ने जयपुर मांय जल सुरक्षित राजस्थान के लिए सार्वजनिक-निजी भागीदारी का निर्माण मुद्दा माथे राख्यी ज्या राज्य स्तर रा सम्मेलन मांय बोल रह्या हा। कार्यक्रम रे दौरान न्यारा-न्यारा औद्योगिक समूह कॉर्पोरेट सामाजिक दायित्व रा तैत पाणी बचावण ऊं जुड़ी परियोजनावां मांय 113 करोड़ रुप्या रा खर्च रा प्रस्तावां माथे सही कीनी। कार्यक्रम पाछे खबरनवीसां सागे बातचीत करता थकां दिलावर कह्यो के पाणी बचावणो बगत री ज़रूरत है।