भ्रष्टाचार निरोधक ब्यूरो रा महानिदेशक डॉ. रवि प्रकाश मेहरडा कयो है के राज्य सरकार री भ्रष्टाचार रे प्रति ज़ीरो टॉलरेंस री नीति मुजब एसीबी घूसखोरां माथे बरोबर कार्यवाही कर री है। वणा ब्यूरो री मजबूत पहचान मांय योगदान देवण सारू अहलकारां अर कार्मिकां री सराहवणा करी। श्री मेहरडा थावर ने जयपुर मांय एसीबी सन्मान जळसा मांय बोल रिया हा। जळसा मांय एसीबी रा 224 अहलकारां अर कार्मिकां ने डीजी डिस्क अर सराहवना पत्र ऊं सन्मानित करी ज्या। श्री मेहरडा कयो के एसीबी हेल्पलाइन नंबर 1064 अर व्हाट्सअप हेल्पलाइन नम्बर माथे लोग बरोबर सूचनावां देवे, जिण ऊं ब्यूरो रा काम रा बूता मांय बढवार व्ही है।