राज्य सरकार प्रदेश रा माइनर खनिज री लीज री मियाद बधावण रा हक संबंधित खनिज अभियंता अर सहायक अभियंता ने दीना है। इण ऊं माइनर खनिज री खान वाळां ने लीज री मियाद बधावण सारू न्यारा-न्यारा लेवल माथे अर्जी देवण री ज़रूरत नी व्हेला। खान विभाग रा प्रमुख शासन सचिव टी. रविकान्त आ जाणकारी दीनी। वे बतायो के हाल तांई माइनर खनिज लीज री मियाद बधावण सारू हाल तांई राज्य सरकार, निदेशक माइंस, अतिरिक्त निदेशक अर अधीक्षण खनिज अभियंता रा लेवल माथे अर्जी देवणी पडती ही। रविकान्त बतायो के माइनर खनिज री खानां रा पट्टाधारी अर लाइसेंस धारकां री क्वारी लाइसेंस मियाद साल 2040 तांई बधावण पाछे जमा करायी जावण वाळी प्रीमियम री रकम ई पांच किश्तां मांय जमा करावण री छूट दीरीजी है।