मुख्यमंत्री भजनलाल शर्मा कोटा, बूंदी, झालावाड़ अर बारां जिलां खातर दो बड़ी पेयजल परियोजनावां ने मंजूरी दे दी। ये परियोजनावां- नौनेरा वृहद पेयजल परियोजना अर परवन-अकावद पेयजल परियोजना है। सरकार जल जीवन मिशन रे तैत इण रो कार्यादेश जारी कर दीनो है। आ दोन्यू परियोजनावां माथे कुल 5 हजार 184 करोड़ रुप्या खर्च व्हेला। आ ने अगस्त 2027 तांई पूरो करबा रो लगस है, जिण सूं आं जिलां रा लाखों लोगां ने साफ पीबा रो पाणी मिल सकेला। नौनेरा परियोजना खातर 1 हजार 661 करोड़ रुप्या मंजूर व्हीया है। इण मांय कोटा अर बूंदी जिला रा 749 गांव अर 6 कस्बा रा करीब 1 लाख 13 हजार परिवारां ने पाणी मिलेला। परवन-अकावद परियोजना खातर 3 हजार 523 करोड़ रुपया मंजूर व्हीया है। इण सूं झालावाड़, बारां अर कोटा रा सांगोद हलका रा कुल 1 हजार 402 गांवां रा करीब 1 लाख 52 हजार परिवारां ने फायदो व्हेला।