राज्य सरकार रा कर्मचारियां ने दीवाळी माथे बोनस दिया जावण ने मुख्यमंत्री भजनलाल शर्मा मंजूर कर दिया है। ईं फैसला ऊं कोई 6 लाख कार्मिका ने फायदो व्हेला। अहलकारां ने छोडने, पे लेवल एल 12 या 4800 रुप्या ग्रेड पे ऊं कम पगार वाळा सगळा कार्मिका ने बत्ती उं बत्ती छह हजार 774 रूप्या रो बोनस मिलेला। तदर्थ बोनस 30 दिन री बगत सारू दिया जायेला। ईं रकम मांय उं 75 फीसदी रकम रोकड़ अर 25 फीसदी कर्मचारी रा सामान्य प्रावधायी निधि खाता मांय जमा करी जायेला। इण उं राज्य सरकार माथे पांच सौ करोड़ रूप्य रो बत्ती भार पडेला। तदर्थ बोनस रो फायदो पंचायत समिति अर जिला परिषद कर्मचारियां ने ई मिलेला।