राज्य सरकार अर गैर-सरकारी अस्पतालां रा नुमाइंदा बीचे सोमवार ने राजस्थान गवर्नमेंट हैल्थ स्कीम-आरजीएचएस रा बारा मांय बातचीत व्ही। चिकित्सा अर स्वास्थ्य विभाग री प्रमुख शासन सचिव गायत्री राठौड़ सागे व्ही मीटिंग पाछे गैर-सरकारी अस्पतालां रा नुमाइंदा बातचीत ने सकारात्मक बतायी। सरकार अर गैर-सरकारी अस्पतालां बीचे एकराय व्हेवण पाछे मरीजां ने आरजीएचएस रा तैत बिना नकद चुकारा रे ईलाज रो सुबीतो मिलतो रेहवेला। वे आस जताई के सरकार री ओर ऊं अस्पतालां री जूनी बाकियात रा चुकारा रा बारा मांय बेगा ई हुकम दिया जावेला।