राज्य री मौजूदा सरकार रा कामकाज रा दो साल पूरा व्हेवण रा सिलसिला मांय प्रदेश मांय न्यारा-न्यारा कार्यक्रम राख्या जा रह्या है। जयपुर मांय अमर जवान ज्योति माथे राख्यी ज्या सड़क सुरक्षा अभियान रा राज्य स्तर रा जळसा मांय मुख्यमंत्री भजनलाल शर्मा ई शिरकत कीनी। वे सड़क हादसां रे कारण जख्मी व्हेवण वाळां री जान बचावण वाळा पांच जणा रो मान कीनो। ईं मौके मौजूद जनता ने मुख्यमंत्री सड़क सुरक्षा री शपथ दिरायी अर यातायात नियमां री पालना री अरज कीनी। वे जनता मांय जाग जगावण वाळा रथ अर 500 ऑटोरिक्शा ने हरी झण्डी बता र रवाना कीना। मुख्यमंत्री पोस्टर रो विमोचन कीनो अर दिव्यांगजन ने हेलमेट बांट्या। अजमेर मांय राख्यी ज्या कार्यक्रम मांय विधानसभा अध्यक्ष वासुदेव देवनानी, उपमुख्यमंत्री दिया कुमारी अर केई आला अहलकार शामिल व्ह्या।
उपमुख्यमंत्री खबरनवीसां सागे बातचीत करता थकां कह्यो के राज्य री भजन लाल सरकार दो साल रा कामकाज मांय सगळी योजनावां ने असरदार तरीका ऊं लागू कीनी है।