राज्य मांय शुक्रवार ने केई ठोड़ां मावठ व्ही। राजधानी जयपुर मांय तड़के ऊं रुक-रुक र बरसात व्ही। डीग मांय संवारे बादळां री गाज सागे बिरखा व्ही। हनुमानगढ़ मांय बीती रात व्ही तेज़ बरसात ऊं पारो उतर ग्यो। मौसम विभाग ऊं मिली जाणकारी रे मुजब अजमेर, जयपुर, सीकर, श्रीगंगानगर, जैसलमेर अर बीकानेर ज़िलां मांय चोखी बिरखा व्ही। महकमो शुक्रवार ने जयपुर, दौसा, अलवर अर टोंक ज़िलां मांय बरसात रो ऑरेंज अलर्ट जारी कीनो है, जठे हल्की ऊं मझला दर्जा री बिरखा रा आसार है। महकमा रे मुजब आं हल्कां मांय कठे-कठे ओला पड़बा अर 13 ज़िलां मांय हल्की बरसात री संभावना है।