राज्य रा ऊगणी, आतूणी अर उतराद हलकां मांय केई ठौड़ां जबरदस्त ठारी अर घणी धुंअर ऊँ आवण-जावण माथे असर पड़्यो है। बीती रात प्रदेश मांय घणखर ठौड़ां पारो 10 डिग्री सेल्सियस ऊँ नीचे दर्ज करी ज्यो। दौसा मांय सब ऊँ कम साढे तीन डिग्री सेल्सियस तापमान नापी ज्यो। अलवर, पिलानी, जैसलमेर, श्रीगंगानगर अर नागौर मांय ई पारो 5 डिग्री सेल्सियस ऊँ नीचे रह्यो। ज्यादातर ज़िलां मांय दिन री बगत ई तापमान सामान्य ऊँ नीचे दर्ज कर्यो जा रह्यो है। बाड़मेर मांय थावर ने आखा दिन सीळो बायरो बाजण ऊँ ठिठुरन रही। मौसम विभाग थावर ने अठारह ज़िलां मांय शीतलहर, कोल्ड डे अर कोहरा रो ऑरेंज अलर्ट जारी कीनो है, जदके चार ज़िलां सारू येलो अलर्ट जारी करी ज्यो है। महकमा रे मुजब शीतलहर रो असर काल ई रहवेला अर आवता तीन-चार दिन तांई इण ऊँ साता मिलण रा आसार नी है।