राज्य मांय साइबर अपराधियां रे खिलाफ पुलिस कानी ऊं चलाया जा रह्या खास अभियानां अर जाग जगावण रा कार्यक्रमां ऊं साइबर अपराधां माथे असरदार तरीका ऊं काबू कर्यो जा रह्यो है। साइबर अपराध रोकण रो काम देख रह्या एस.पी. शांतनु कुमार सिंह बतायो के साइबर धोखाधड़ी ऊं जुड़ी रकम मांय कमी अर पाछी हासिल करी जावण वाळी रकम मांय बधोतरी दर्ज करीजी है। वे बतायो के लारला साल फ्रीज करी ज्यी 43 करोड़ रुप्या री रकम री तुलना मांय ईं साल आ रकम बध र 66 करोड़ रुप्या ऊं बत्ती व्हे ग्यी है। श्री सिंह बतायो के साल 2024 रे मुकाबले 2025 रा सरूआती छह महीनां मांय साइबर अपराधां री जद मांय आयी कुल रकम मांय 26 करोड़ रुप्या री कमी आई है, जदके बैंक खातां मांय रोकी ज्यी अर फ्रीज करी ज्यी रकम मांय करीब 23 करोड़ रुप्या री बधोतरी व्ही है। श्री शान्तनु कुमार जनता ऊं साइबर धोखाधड़ी व्हेवण री सूरत मांय इण री जाणकारी हेल्पलाइन नम्बर 1930 माथे देवण री अपील कीनी है।