राज्य मांय शुक्रवार अर 20 दिसम्बर ने राजस्थान राज्य विधिक सेवा प्राधिकरण री ओर ऊँ राष्ट्रीय लोक अदालत लगायी जावेला। राजस्थान हाईकोर्ट री जोधपुर अर जयपुर पीठ मांय शुक्रवार ने दोपहरां पाछे राष्ट्रीय लोक अदालत री सरूआत करी जावेला। ईं पाछे 21 दिसंबर ने राज्य री सगळी अधीनस्थ अदालतां, उपभोक्ता मंचां अर प्रशासनिक अधिकरणां मांय लोक अदालतां लगायी जावेला। राज्य विधिक सेवा प्राधिकरण रा सदस्य सचिव हरि ओम अत्रि बतायो के आं लोक अदालतां सारू प्रदेश मांय 472 बेंचां बणायी ज्यी है। वे बतायो के लोकअदालतां मांय सुणवाई सारू हाल तांई 11 लाख ऊँ बत्ता मामलां री पिछाण करी ज्यी है।