राज्य मांय वोटर लिस्टां रा विशेष गहन पुनरीक्षण कार्यक्रम रा तैत लिस्टां रो पहलो मजमून मंगलवार ने जारी कर दियो ज्यो। मजमून मांय वोट देवण लायक 5 करोड़ 46 लाख लोगां मांय ऊं करीब 41 लाख 85 हज़ार नाम हटायी ज्या है। राज्य रा मुख्य निर्वाचन अधिकारी नवीन महाजन आ जाणकारी दीनी। वे आकाशवाणी ने बतायो के खास तौर ऊं दो ठोड़ां नाम व्हेवण अर घरां नी मिलण सरीखा कारण है। वे बतायो के काटी ज्या नाम सी.ई.ओ. अर ज़िला निर्वाचन अधिकारियां री वेबसाइट माथे देख्या जा सके है। वोट देवण रा हकदार लोग आपत्तियां ई दर्ज करा सके है। श्री महाजन बतायो के दावा अर आपत्तियां रा निपटारा पाछे आखिरी तौर ऊं वोटर लिस्टां 14 फरवरी ने छापी जावेला।