राज्य मांय वोटर लिस्टां रा गहन पुनरीक्षण कार्यक्रम रा तैत ज़ोरां ऊं काम चाल रह्यो है। राजसमंद ज़िला मांय वोट देवण रा हकदार 73 फीसदी लोगां रा नाम साल 2002 री वोटर लिस्ट मांय मिल ग्या है। ज़िला निर्वाचन अधिकारी अरुण कुमार हसीजा बतायो के ज़िला मांय वोट देवण रा पात्र करीब 9 लाख 65 हजार मतदाता है। वे बतायो के बूथ लेवल अहलकार घर-घर जा र लगभग सगळां तांई गणना प्रपत्र पूगा दीना है। श्री हसीजा बतायो के करीब 40 फीसदी मतदाता अ फॉर्म भर र पाछा दे दीना है, ज्यां री ऑनलाइन फीडिंग कर दीरीजी है। चुरू ज़िला मांय ई हाल तांई 7 लाख 32 हज़ार ऊँ बत्ता गणना प्रपत्र डिजिटाइज कर दिया ज्या है। फलौदी मांय विधायक पब्बाराम विश्नोई जनता ऊँ एसआईआर रा काम मांय बूथ लेवल अहलकारां अहलकारां री मदद करण री अपील कीनी है। बालोतरा ज़िला मांय बायतु कने पाटोदी रा सरकारी कॉलेज मांय विशेष गहन पुनरीक्षण कार्यक्रम ऊँ जुड़ी सिखावण देवण रो शिविर लगायी ज्यो। कोटपूतली रा एक कॉलेज मांय विद्यार्थियां ने ऑनलाइन तरीका ऊँ गणना प्रपत्र भरण री सिखावण दीरीजी।