राज्य मांय वोटर लिस्टां रा गहन पुनरीक्षण अभियान-एसआईआर रा तैत सर्वे करायो जा रह्यो है। उदयपुर री संभागीय आयुक्त प्रज्ञा केवलरमानी वीडियो कॉन्फ्रेंसिंग रे मार्फत इण रा काम रो जायज़ो लीनो अर अहलकारां ने आईटी हेल्प डेस्क अर स्वयंसेवक सहायता डेस्क बणावण समेम ज़रूरी हुकम दीना। डीग ज़िला मांय ई चाल रह्या एसआईआर रा तैत जिला निर्वाचन अधिकारी बरगलावण वाळी जाणकारियां माथे ध्यान नी देवण अर अभियान रा काम मांय मदद करण री अपील कीनी है। पाली रा ज़िला निर्वाचन अधिकारी बतायो के ज़िला मांय पुनरीक्षण कार्यक्रम रा तैत नवाचार करी ज्यो है, जिण ऊं बूथ लेवल अहलकार-बीएलओ ने वोट देवण रा हकदार किण ई जणा रो नाम हेरबा मांय आसानी व्हेला।