राज्य मांय लारला चौबीस घंटां मांय केई ठौड़ां ज़ोरदार गर्मी रही। बाड़मेर मांय सब ऊं बत्तो 44 दशमलव 8 डिग्री सेल्सियस तापमान दर्ज करी ज्यो, जो सामान्य ऊं करीब 5 डिग्री सेल्सियस ऊंचो है। जयपुर अर जोधपुर संभाग मांय ई कठे-कठे उन्नो बायरो बाज्यो अर पारो सामान्य ऊं तीन ऊं 5 डिग्री सेल्सियस तांई बत्तो रिकॉर्ड करी ज्यो। मौसम विभाग रे मुजब आवता तीन-चार दिन मांय पारो 2 ऊं 3 डिग्री सेल्सियस तांई और चढ़बा रा आसार है। इंर् बीचे एक और पश्चिमी विक्षोभ रा असर ऊं काल जयपुर, अजमेर, भरतपुर अर कोटा संभाग मांय कठे-कठे दोपहरां पाछे गरज सागे हल्की बारिश व्हेवण अर ज़ोरदार बायरो बाजण रा आसार है। आवता महीना रा पहला सप्ताह मांय आंधी-बारिश मांय बधोतरी ऊं गर्मी ऊं साता मिलण री संभावना है।