राज्य मांय बिरखा रो दौर फिलहाल रूक्योड़ो है। मौसम विभाग रे मुजब लारला चौबीस घंटा मांय केवल धौलपुर ज़िला रा सैंपउ मांय छांटो छिड़को व्ह्यो। ईं रे अलावा कठे ऊं बिरखा रा समाचार नी है। बारिश रो सिलसिलो रूक जावण ऊं केई ठोड़ां रात री बगत पारो थोड़ो उतर्यो है। सिरोही, उदयपुर, पाली अर प्रतापगढ़ समेत केई ठोड़ां रात री बगत तापमान 23 डिग्री सेल्सियस ऊं कम रह्यो। प्रदेश रा आतूणी हलकां मांय 15 सितम्बर पाछे चौमासा री बिरखा बंद व्हे जावण रा आसार है, जद के ऊगणी हलका मांय आवता दो तीन दिन तांई मौसम सूखो रेहवण री संभावना है। ईं बीचे 16 सितम्बर ऊं राज्य रा लंकाऊ-ऊगणी हलकां मांय कठे-कठे हल्की बिरखा रो अनुमान है। प्रदेश मांय ईं चौमासा मांय हाल तांई करीब 67 सेंटीमीटर बारिश व्हे ग्यी है, जो औसतन 40 सेंटीमीटर री डोढ़ी ऊं बत्ती है। चोखो मेह व्हेवण ऊं राज्य रा छोटा-मोटा 693 बंधां मांय ऊं 445 लबालब है, जद के डोढ़ सौ थोड़ा घणा भर्या है।