राज्य मांय बत्ती ठोडां माथे तापमान मांय बढोतरी सूं सर्दी सूं मामूली राहत मिली है। हालांकि कुछेक ठोडां माथे कम ऊं कम तापमान 5 डिग्री सेल्सियस सूं भी कम दर्ज व्हे रियो है। सिरोही जिला रा एकमात्र हिल स्टेशन माउंट आबू मांय रात रो पारो 5 डिग्री सेल्सियस दरज कर्यो गयो। तेज सर्दी सूं आम जनजीवन माथे असर पड्यो है, वठी ने देशभर सूं आया सैलानी इण मौसम रो आनन्द ले रिया है। मैदानी इलाकां मांय फतेहपुर सब ऊं ठंडो रियो, जठे साढे तीन डिग्री सेल्सियस कम ऊं कम तापमान रियो। इण रे इतर करौली मांय सर्दी री रंगत छा री है। म्हाका करौली खबरनवीस बताया के इण हलका मांय देर रात अर सुंवारे री टेम गलन महसूस व्हे री है।