राज्य मांय पल्स पोलियो अभियान रा तैत 23 नवम्बर दीतवार ने 5 साल तांई रा बच्चां ने पोलियो री बीमारी ऊँ बचाव री खुराक दी जावेला। ईं सारु जाग जगावण बाबत् सगळा ज़िलां मांय स्वास्थ्य विभाग री ओर ऊँ न्यारा-न्यारा कार्यक्रम राख्या जा रह्या है। प्रदेश मांय ईं अभियान सारू 81 हज़ार ऊँ बत्ती टीमा बणायी ज्यी है, ज्यो न्यारी-न्यारी ठौड़ां बच्चां ने पोलियो ऊँ बचाव री खुराक पिलावेला। टीका लगावण रो काम देख रह्या स्वास्थ्य विभाग रा राज्य नोडल अधिकारी डॉ देवेंद्र सौंधी बतायो के एक करोड़ ऊँ बत्ता बच्चां ने पोलियो ऊँ बचाव री खुराक पावणो तैय करी ज्यो।