राज्य मांय ठण्डी हवावां चालबा सूं सर्दी रो असर बढ़ रह्यो है। 10 सूं बत्ता शहरां मांय कम उं कम तापमान 10 डिग्री सेल्सियस सूं नीचे दर्ज कर्यो जा रियो है। वठीने सीकर रा फतेहपुर मांय दीतवार ने कम उं कम तापमान 7 डिग्री सेल्सियस रह्यो। नागौर मांय 8, दौसा अर बीकानेर रा लूणकरणसर मांय साढे 8 डिग्री सेल्सियस कम उं कम तापमान दर्ज कर्यो गयो। सिरोही सूं म्हांका खबरनवीस बताया के लारला तीन-चार दिनां सूं लगातार ठण्डी हवा चालबा रो सिलसिलो बण्यो व्हीयो है। सुंवारे अर सिंज्या री टेम कोहरा रा असर सूं ठंड और बढ़ रही है। मौसम केन्द्र, जयपुर रे मुजब आवता दिनां मायं दिन अर रात रा तापमान मांय 2 सूं 3 डिग्री सेल्सियस री गिरावट रा आसार है।