राज्य मांय चौमासा री बिरखा मांय कमी पाछे कठे-कठे उमस रो असर महसूस कर्यो जा रह्यो है। अलवर, दौसा, करौली, भरतपुर अर धौलपुर सारू बरसात रो येलो अलर्ट जारी करी ज्यो है। मौसम विभाग राज्य रा घणखर हलकां मांय आवता 4-5 दिन भारी बारिश नी व्हेवण रा आसार जताया है। प्रदेश रा ऊगणी हलकां मांय आवता 2-3 दिन कठे-कठे गरज सागे हल्की ऊं मझला दर्जा री बिरखा रा आसार है। 8 ऊं 12 अगस्त बीचे कठे-कठे बरसात मांय बधोतरी रा आसार हैं। ईं दौरान भरतपुर, कोटा, उदयपुर, अजमेर अर जयपुर संभाग मांय कठे-कठे हल्की ऊं मझला दर्जा री बिरखा रा आसार है। ईं बीचे लारला 24 घंटां मांय कठे-कठे उमस रो असर बध ग्यो। सब ऊं बत्ती 6 सेंटीमीटर बिरखा धौलपुर ज़िला रा सरमथुरा मांय दर्ज करीजी। ईं रे अलावा कोटा, प्रतापगढ़, उदयपुर, डूंगरपुर अर बांसवाड़ा मांय हल्की बरसात रा समाचार है। बारां, करौली अर राजसमंद समेत केई ठोड़ां छांटो-छिड़को व्ह्यो।