राज्य मांय गुरूवार ने ई केई ठौड़ां बादळा मंड्या रह्या अर छांटो-छिड़को व्ह्यो। सीळो बायरो बाजण ऊं थोड़ी ठण्ड रो एहसास ई व्हेवण लाग्यो है। मौसम विभाग आज ई बिरखा व्हेवण रा आसार जताया है, जदके 3 नवंबर ऊं एक और पश्चिमी विक्षोभ सक्रिय व्हेवण री संभावना है। चित्तौड़गढ़ मांय दिन री बगत पारो 20 डिग्री सेल्सियस रे आरे-सारे दर्ज करी ज्यो। बाड़मेर मांय ई ठण्ड रो असर बधबा लाग्यो है। सिरोही मांय खुशनुमा मौसम ऊं माउंट आबू आवण वाळा सैलाणियां री तादाद बध रही है। दूजी कानी डीग रा कुछ हलकां मांय पाणी भर जावण ऊं साखां ने नुकसाण री शंका है।