राज्य मांय गुरूवार ऊं पारो ओजू चढ़बा रा आसार है। ईं कारण केई ठौड़ां लू बाजण री संभावना है। मौसम केन्द्र जयपुर काल जैसलमेर, बाड़मेर अर झुन्झुनू ज़िलां मांय हीटवेव रो अलर्ट जारी कीनो है। 25 अप्रैल ने सीकर समेत 7 ज़िलां मांय लू बाजण सारू चेतायी ज्यो है, जद के 26 अप्रैल ऊं 19 ज़िलां मांय लू री शंका है। ईं बीचे लारला चौबीस घंटा रे दौरान 16 ज़िलां मांय दिन री बगत तापमान 40 डिग्री सेल्सियस ऊं ऊंचो नापी ज्यो। कोटा मांय पारो 42 दशमलव 3 डिग्री सेल्सियस तांई चढ़ ग्यो। चित्तौड़गढ़, बाड़मेर अर श्रीगंगानगर मांय ई ऊंचो ऊं ऊंचो तापमान 42 डिग्री सेल्सियस ने पार कर ग्यो। सरहदी ज़िला बाड़मेर मांय ई ज़ोरदार गर्मी पड़ रही है। म्हाणा खबरनवीस बतायो के जनता अर ढ़ांढ़ा-ढोरां ने गर्मी ऊं बचावण सारू प्रशासन भांत-भांत रा जतन कर रह्यो है।