राज्य मांय गिव-अप अभियान रा तैत हाल तांई 26 लाख ऊं बत्ता लोग मर्ज़ी ऊं खाद्य सुरक्षा योजना रो फायदो लेवणो छोड़ दीनो है, जद के 27 लाख ऊं बत्ता लोगां रा नाम ई-केवाईसी नी करावण रे कारण योजना ऊं हटा दिया ज्या है। गिव-अप अभियान 31 अगस्त तांई चलायो जा रह्यो है। ईं बीचे 53 लाख पात्र लोगां ने राष्ट्रीय खाद्य सुरक्षा योजना ऊं जोड़ी ज्या है। सम्पन्न पिरवारां कानी ऊं मर्जी ऊं नाम हटवावण पाछे वंचित तबका री जनता ने खाद्य सुरक्षा मिल सकेला।