राज्य मांय ईं महीना चौमासा री बिरखा कम पड़ जावण ऊं घणखर ठोडां गर्मी अर उमस रो असर बण्योड़ो है। केई ठोड़ां दिन री बगत पारो 35 डिग्री सेल्सियस ने पार कर ग्यो। बीकानेर मांय तापमान 40 डिग्री सेल्सियस ऊं ऊंचो चाल रह्यो है। ईं बीचे राज्य रा ऊगणी अर लंकाऊ हलका मांय बरसात जद के आतूणी हलका मांय उमस अर तपिश रो दौर चाल रह्यो है। मौसम महकमो आवता दिनां उदयपुर अर जोधपुर संभाग मांय बादलां री गाज़ सागे बरसात व्हेवण रा आसार जताया है। कोटा, अजमेर, जयपुर, भरतपुर अर बीकानेर संभाग मांय ई हल्की बरसात रो अनुमान है। महकमा रे मुजब ईं महीना रा आखिरी सप्ताह मांय चौमासा री बिरखा मांय ओजू बधोतरी री उम्मीद है।