प्रदेश ऊं राज्य सभा री एक सीट माथे उप-चुनाव मांय भारतीय जनता पार्टी रा उम्मीदवार रवनीत सिंह रे निर्विरोध चुण्या जावण रो एलाण कर दियो ज्यो है। आज ईं उपचुनाव सारू नाम पाछा लेवण री मियाद पूरी व्ह्यां पाछे उप-चुनाव रा निर्वाचन अधिकारी अर विधानसभा रा प्रमुख सचिव महावीर प्रसाद शर्मा चुणी ज्या उम्मीदवार रवनीत सिंह रा अधिकृत चुणाव एजेंट योगेन्द्र सिंह तंवर ने चुणाव रो प्रमाण-पत्र सूंप्यो। विधानसभा अध्यक्ष वासुदेव देवनानी उप चुनाव मांय निर्विरोध चुण्या जावण परां रवनीत सिंह ने बधाई दीनी है।