राज्यपाल हरिभाऊ बागड़े संस्कृत दिवस ऊं पैली री सिंज्यां माथे शुक्रवार ने प्रदेश वासियां रे नाम शुभकामना संदेश देवेला। ओ संदेश आकाशवाणी रा सगळा केन्द्रा ऊं अब सूं थोड़ी देर मांय सिज्यां रे 7 बजे प्रसारित कर्यो जावेला। विधानसभा अध्यक्ष वासुदेव देवनानी संस्कृत दिवस माथे प्रदेशवासियां ने शुभकामनावां दी है। आप रा संदेश मांय श्री देवनानी कह्या के संस्कृत भारतीय ज्ञान परम्परा दर्शन अर विज्ञान री मूल आत्मा है। इण ने बचार राखणो आप री जिम्मेदारी है। वणा कह्या के संस्कृत दिवस आप री जड़ा सूं जुड़्या रहबा अर विरासत ने आगली पीढी तांई पूगाबा ने प्रेरित करे है।