राज्यपाल हरिभाऊ बागडे़ बुधवार ने कोटा रा राजस्थान तकनीकी विश्वविद्यालय मांय स्टूडेंट एक्टिविटी सेंटर ने जनता ने सूंप्यो। ईं मौके वे कह्यो के नुवी शिक्षा नीति 2020 देश रा बौद्धिक बूता रो विकास करेला, जिण ऊं भारत विश्वगुरू बण सकेला। राज्यपाल विश्वविद्यालयां ऊं नवाचारां रा केंद्र बण र विद्यार्थियां री प्रतिभा अर कौशल ने बधावो देवण री अपील कीनी। वे व्यावहारिक ज्ञान हासिल करण माथे ज़ोर दीनो। ईं मौके उप-मुख्यमंत्री डॉ. प्रेमचंद बैरवा कह्यो के राज्य सरकार रो नौजवानां ने नौकरी धंधा दिरावण ऊं जुड़ी भणाई-लिखाई करावण माथे खास ध्यान है।