राज्यपाल हरिभाऊ बागडे़ पैली वाळी फौजियां सारू जयपुर मांय वृद्धाश्रम अर जोधपुर मांय एकीकृत परिसर, बलिदानी फौजियां रा नाम माथे स्कूलां अर सार्वजनिक ठोडां रा नाम राखण री नीति ने मंजूरी दे दीनी है। ईं सागे ई राजगढ़ मांय सैनिक कल्याण कार्यालय खोलण री मंजूरी ई दीरीजी है। राज्यपाल शुक्रवार ने राज्य सैनिक कल्याण बोर्ड री मीटिंग मांय बोल रह्या हा। राज्यपाल पैली वाळा फौजियां अर वां रा पिरवार वाळां रा भला री योजनावां रा ऑटोमेशन सारू ’सैनिक वेलफेयर पोर्टल’ अर ’सोशल मीडिया प्लेटफॉर्म’ री ई सरूआत कीनी।