राज्यपाल हरिभाऊ बागडे विश्वविद्यालयां ऊं राष्ट्रीय शिक्षा नीति रे मुजब काम-धंधो सिखावण वाळा कोर्स तैयार करण माथे ज़ोर दीनो है। वे गुरूवार ने जयपुर मांय प्रदेश रा वित्त पोषित विश्वविद्यालयां मांय नेक रैंकिंग अर नुवी शिक्षा नीति ऊं जुड़्या मुद्दां माथे राख्यी ज्यी कार्यशाला मांय बोल रह्या हा। वे राज्य रा सगळा वित्तपोषित विश्वविद्यालयां री निश्चित तौर ऊं नेक रैंकिंग करावण अर ईं सारू हाल तांई री तैयारियां रो जायज़ो लीनो। राज्यपाल कह्यो के प्रदेश मांय आला दर्जा री सिखावण देवण वाळा संस्थानां मांय गुणवत्ता वाळी संस्कृति विकसित करण सारू नैक रैंकिंग ज़रूरी है। ईं सारू वे विश्वविद्यालयां ने कोर्स और बेहतर बणावण, परीक्षा री व्यवस्था मजबूत करण, अनुसंधान अर नवाचारां ने अपनावण बाबत् कह्यो।