राज्यपाल हरिभाऊ किसनराव बागड़े बीकानेर जिला मांय पाकिस्तान ऊं लाग्योड़ी सरहद माथे बी.एस.एफ. री साँचू पोस्ट ने हिफ़ाजत रा लिहाज ऊं घणी खास बतायी है। वे आज साँचू पोस्ट रो दौरा कर र बीएसएफ रा जवानां सागे मुलाकात कीनी। ई मौके राज्यपाल कह्यो के सरहद रा पहरेदार रा तौर ऊं काम कर रह्या बीएसएफ रा जवानां बीचे आवणो माथो ऊंचो करण री बात है। राज्यपाल पुलिस, बीएसएफ, फौज अर सीआईडी समेत न्यारी-न्यारी एजेंसियां रा अहलकारां सागे मीटिंग कर र सरहदी हलकां मांय गैर कानूनी खुदाई अर नशीली चीजां री तस्करी रोकण बाबत् पूरी सावचेत राखण सारू कह्यो। राज्यपाल सांचू माता मिंदर मांय दर्शन ई कीना अर सैलाणियां सारू विकसित करी ज्या म्यूजियम ने ई निरख्यो। राज्यपाल सीमा चौकी कने “एक पेड़ मां के नाम“ अभियान रा तहत पौधा ई रोप्या। राज्यपाल गोडू रा सामुदायिक स्वास्थ्य केंद्र रो दौरो ई कीनो अर मरीजां ऊं बातचीत कर र न्यारी-न्यारी जाणकारियां हासिल कीनी। वे गोडू रा पीएम श्री राजकीय उच्च माध्यमिक विद्यालय रा विद्यार्थियां सागे ई बातचीत कीनी।