राजस्थान हाईकोर्ट राज्य सरकार ने 15 अप्रैल 2026 तांई हर हाल मांय पंचायत अर नगर निकाय चुनाव करावण रा हुकम दीना है। अदालत सरकार ने इंर् साल 31 दिसंबर तांई सगळी पंचायतां अर निकायां मांय परिसीमन रो काम पूरो करण रा ई हुकम दीना। कार्यवाहक मुख्य न्यायाधीश संजीव प्रकाश शर्मा री पीठ जनहित याचिकावां समेत न्यारी-न्यारी अर्जियां माथे शुक्रवार ने हुकम दीना। ध्यानजोग है के प्रदेश मांय करीब 6 हज़ार 759 पंचायतां अर 55 नगरपालिकावां री कामकाज री मियाद पैली ई पूरी व्हे ग्यी है, पण हाल तांई चुणाव नी करावण ऊं जुड़ी केई जनहित याचिकावां अदालत मांय दायर करीजी ही।