राजस्थान हाईकोर्ट री मुख्य पीठ जोधपुर मांय बुधवार ने नुवा बणायी ज्या सात न्यायाधीशां ने शपथ दिरायी ज्यी। मुख्य न्यायाधीश के.आर. श्रीराम वां ने पद अर गोपनीयता री शपथ दिरायी। ईं सागे ई अब राजस्थान हाईकोर्ट मांय न्यायाधीशां री तादाद हाल तांई री सब ऊं बत्ती 43 व्हे ग्यी है। बुधवार ने शपथ ले र नुवा बण्या जजां मांय जस्टिस संदीप तनेजा, जस्टिस बलजिंदर सिंह संधू, जस्टिस बिपिन गुप्ता, जस्टिस संजीत पुरोहित, जस्टिस रवि चिरानिया, जस्टिस अनुरूप सिंघी अर जस्टिस संगीता शर्मा शामिल है।