राजस्थान हाईकोर्ट मांय चाल रह्या मामलां रा बेगा निपटारा सारू हाईकोर्ट कामकाज रा दिन बधावण रो फैसलो कीनो है। राजस्थान हाईकोर्ट री पूरी पीठ री कार्यवाहक मुख्य न्यायाधीश न्यायमूर्ति संजीव प्रकाश शर्मा री सदारत मांय जैसलमेर मांय व्ही मीटिंग मांय ओ फैसलो करी ज्यो। फैसला रे मुजब हाईकोर्ट मांय सालाना 210 ऊं बधा र 230 दिन काम कर्यो जावेला। सुप्रीम कोर्ट रा मुख्य न्यायाधीश न्यायमूर्ति सूर्यकांत री पहल परां अब हर महीना रा दो थावर ने ई हाईकोर्ट मांय नियमित कामकाज व्हेला। ईं सागे ई राजस्थान हाईकोर्ट काम रा दिन बधावण वाळो देश रो पहलो हाईकोर्ट बण ग्यो है। मीटिंग मांय जयपुर अर जोधपुर मांय मजिस्ट्रेट लेवल माथे एक-एक सायंकालीन न्यायालय ई पायलट प्रोजेक्ट रा तौर ऊं सरू करण रो फैसलो करी ज्यो।