राजस्थान हाईकोर्ट री जोधपुर मुख्यपीठ शिक्षा का अधिकार-आरटीई रा तैत गैर-सरकारी स्कूलां मांय दाखिला रा बारा मांय खास फैसलो दीनो है। अदालत प्री-प्राइमरी कक्षावां लगावण वाळी गैर-सरकारी स्कूलां मांय दाखिला रो सरूआती स्तर आं कक्षावां ने मानण री व्यवस्था दीनी। ऐड़ी स्कूलां ने ईं लेवल माथे ई वंचित अर कमज़ोर तबका रा बच्चां सारू एक चौथाई सीटां राखणी व्हेला। न्यायमूर्ति विनीत कुमार माथुर अर न्यायमूर्ति चंद्रशेखर शर्मा री खंडपीठ व्यवस्था दीनी के स्कूल केवल पहली कक्षा ऊं मान्यता व्हेवण रो तर्क दे र आरटीई नियमां ऊं नी बच सके है। अदालत राज्य सरकार ने ईं फैसला रे मुजब नुवो सर्कुलर जारी करण रा हुकम दीना।